ژنێكی دانیشتووی ویلایەتی فلۆریدا بەناوی نیکۆڵ دیكێما لەلایەن پۆلیسەوە دەستگیرکرا پاش ئەوەی دەرکەوت لە خانووە گەڕۆکەکەیدا سێ هەزارو حەت سەد چەقۆی هەڵگرتووە، بەشێکیش لە چەقۆکان بە دیواری دەرەوە و دەرگا و سەقفی خانووەکەیەوە هەڵواسیبوو.
لە کاتی هەوڵەکانی پۆلیس بۆ دەستگیرکردنی، نیکۆڵ بە چەقۆ هێرشدەکاتە سەر ئەفسەرەکان و یەکێكیان بریندار دەکات. پۆلیس توانیان لە ماوەی پێنج کاتژمێردا نیکۆڵ دستگیربکەن کە بەردەوام لەنێو خانووەکەیدا بەرگریدەکرد و پاشانیش چەندین لێکۆڵەر لە لێکردنەوەی چەقۆکاندا برینداربوون، ئەمە جگە لەوەی لە نێو خانووەکەدا چەندین ئێسکەپەیکەر و ماسکی هاڵۆوین و قاچ و دەستی دەستکردیان دۆزرایەوە.
نیکۆڵ بۆماوەی پێنج مانگ لەژێر چاودێریدا بووە کاتیك پێشتر بەهۆی هەڵگرتنی چاکی نایاساییەوە دەستگیرکراوە و پۆلیس ڕاپۆرتی خۆیان لەسەر ڕوداوەکە ئامادەکردووە و داوای ئەوە دەکەن نیکۆڵ بۆ نەخۆشخانەی دەروونی بگوازرێتەوە.
0 comments :
إرسال تعليق